http://bak.iatp.by/ba_krambambula/ba_krambambula_nocz.html Гэтая ноч, усходняя, цёмная, Нібы віно чырвонае, моцнае. Водар і смак яе Поўніць грудзі твае. Гэтая ноч цьмяная, ядвабная, Нібы дзяўчына тая смуглявая. Водар і смак яе Помняць вусны твае. Рэфрэн: Гэтая ноч пахкім водарам поўніцца, Дзеўчына-ноч, як хмяльное віно, Жонка твая ці твая палюбоўніца, Ў водары п'яным табе ўсё адно. Гэтая ноч такая прыўкрасная, Нібы дзяўчына палкая, жарсная. Дотык вуснаў яе Помняць вусны твае. Гэта віно чырвонае, моцнае, Нібыта ноч усходняя, цёмная. Выпіваеш віно - І знікаеш у ноч. Рэфрэн.