"Паравіны году" Словы Алеся Камоцкага http://www.todar.net/downloads/lyrics/paraviny_godu.doc Раскажы мне пра дождж, раскажы. Хто у небе збірае дажджы, Што шматдзённа ліюць на маю галаву? Хто у небе збірае дажджы? Пакажы мне сябе, пакажы, Не чакай, покуль час прабяжыць. Слова моўчкі аддай і пытанні здымай, Не чакай, покуль час прабяжыць. Прыпеў: Грэшны кавалак неба бачыш ты навылёт, Што табе заўтра трэба, што табе як сваё? Раніцай свежы позірк ці вечаровы змрок? Дай мне руку і пойдзем. Ціха, за крокам крок. Затрымай над вачыма руку, Каб не зведаць ад сонца пакут. У выглядванні хмар, што абклалі абшар, Каб не зведаць ад сонца пакут. І трывай, покуль сілы, трывай. Хай не глянецца за небакрай, Дый не сціхне ў ілжы За штуршок да мяжы Тое, што нам ніхто не казаў. Прыпеў.