Не забівай маё Я, вельмі прашу цябе, Грэшны палач. На цёмных калідорах зашмат Галодных пацукоў. Я нешта хацела сказаць Пра сонца і свет. Я нешта хацела. Успомніліся боты ды Захарканы крывёю снег. Прыпеў: Пір у час, калі Забіваюць герояў. Пір у час, калі Косткі ныюць ад болю. Пір у час, калі Рукі не знаходзяць апоры. Пір у час, калі Сляпыя вочы слязяцца. Сляпыя вочы слязяцца. О, ружовае дрэва, Забудзься на сваё жоўтае сонца. Кітайская лялька, Ты так падобна на наша стагоддзе. Апошняе слова Застаецца за паэтам. Жыццё гэта кола, І нехта хоча парушыць Законы сусвету. Прыпеў.