Словы Л.Жамчужнікава Пераклад Алеся Камоцкага http://ales.by-kraj.com/cgi-bin/krs.pl?R=ac Я пад небам чужым, быццам госць нежаданы, Чую крык журавоў, што маркоцяць абсяг. Сэрцу цесна ў грудзях — рвецца за журавамі, Іх да родных мясцін я праводжу адзін. Праімчацца яны і па небе Радзімы, Я б хацеў з вышыні іх вачыма зірнуць, Я хацеў бы адчуць, як пяшчотна абдымуць Дарагой стараны успаміны і сны. Сівізна туманоў, слота і навальніца, Вочы смутных людзей, сонныя паплавы... Ах, як сэрца баліць, як заплакаць баіцца, Перайміце свой крык нада мной, журавы. А яны ўсё бліжэй, я ў палоне адчаю, Быццам вестку журбы тоіць сум мой жывы. Адкажыце, адкуль і з якога вы краю Прыляцелі сюды на начлег, журавы. Ды на жаль у жыцці не бывае дзівосаў — Мне не быць журавом тут пад небам чужым. Тут пад небам чужым і ў гэтую восень Застаюся я жыць, застаюся тужыць.