Словы і спеў Андрэя Хадановіча Гітара: Віталь Зыблюк Бас-гітара: Рома Цыбульскі Барабан: Макс Цурко Дзе мой край? Там, дзе песню Белавежа пяе, Сонца ў нашым ваконцы Распускае косы свае. Ён за пушчай, за лесам За балотам з дрыгвой, Паміж Польшчаю і Расіяй, Украінаю і Летувой. Мой родны кут, як ты мне мілы! Песня салаўя, подых ручая, рэха у гаях... Забыць цябе не маю сілы, Беларусь мая, Беларусь мая, Беларусь мая! Кукавала зязюля, Пах у лесе чабор. Выйшла пінская шляхта На прастор, на шырокі прастор. Хто смяецца апошні? Пан сахі і касы. Сабралася бедна басота Залатыя ткаць паясы. Ці смачна, дзядзечка, прызнайся, Чуць віры свае, чуць віры свае, чуць віры свае? Паскудства, брат, і не пытайся, Дзе басота п'е, дзе басота п'е, дзе басота п'е. Толькі ў сэрцы пачую За краіну я жах, - Успомню Вострую Браму святую І ваякаў на грозных канях. Чорны замак Альшанскі Сустракае гасцей. Каб любіць Беларусь сваю, Трэба дома бываць часцей. Паэт сказаў: "П'ем за Айчыну!" За пахучы бэз, за дрымучы лес, за ўсходні крэс! О Беларусь, мая шыпшына! Such a lovely place, such a lovely place, such a lovely place! Мой родны кут, як ты мне мілы! Песня салаўя, подых ручая, рэха у гаях... Забыць цябе не маю сілы, Беларусь мая, Беларусь мая, Беларусь мая! Песня зроблена ў межах праекту "Веру ў цябе". Усе правы на аранжыроўкі належаць аўтарам тэкстаў і музыкі, а таксама прадусару - Франаку Вячорку.