Спеў: Воля Какшынская і Макс Цурко Гітара: Зміцер Лаеўскі Бас-гітара: Рома Цыбульскі Барабан: Макс Цурко Шэрыя людзі шэрага горада, Насельнікі зноў без імёнаў-твараў, Мы жывем для сябе на хвалях плыні свядомасці Сярод маршрутных таксі і праязных на дэкаду. Шматаблічныя гукі сотавай сувязі... Нехта зноў разгубіўся, не знайшоўшы адказу. А мне хацелася б стаць, кім насамрэч з'яўляюся Сярод жоўтых газет і сэрцаў з пылу і газу. Гарадскія анёлы, анёлы нашага горада Аддалі свае крылы, каб аднойчы вярнуцца. Гарадскія анёлы, анёлы нашага горада Цёплым шэптам дажджын у душы адгукнуцца. Гарадскія анёлы, анёлы нашага горада Назаўсёды ўва мне і назаўсёды з табою. Гарадскія анёлы, анёлы нашага горада Цёплым сонцам, святлом і халоднай вадою. Вялікае неба над вузкімі вокнамі. Напаўзабытыя словы, што засталіся ў памяці. - Я не веру табе, калі ты кажаш пра вечнае. - Але я буду з табою, што б ні здарылася. Безумоўныя рэчы бездакорнага колеру. Час ад часу мы ўсе спрабуем быць добрымі. Я гляджу на людзей, а ў вачах адбіваюцца Цені шэрых анёлаў нашага горада. Песня зроблена ў межах праекту "Веру ў цябе". Усе правы на аранжыроўкі належаць аўтарам тэкстаў і музыкі, а таксама прадусару - Франаку Вячорку.