Музыка Лявона Вольскага Словы Ларысы Геніюш http://kamunikat.fontel.net/www/czasopisy/dziejaslou/14/06.htm Машыны грымяць, стракочуць, Альбо паўзуць бясшумна. Машыны есці не хочуць, Машынам ніколі не сумна. Не сыдуцца на параду, Не абмяркуюць лёсу, Паслушныя тупа загаду, Круцяць свае калёсы. Раны цяплом мы гоім, Словам, усмешкай любай. Там, дзе ў нас сэрца жывое, Ў машынаў драты і трубы. Тупасць глухой пакоры, Ці траскатня чужая. Машыне не скажаш аб горы, Машыны не пакахаеш. Ні босай, ні ў лес, ні ў рэчку — Толькі дарогай на шынах. Без кахання парываў вечных Машынаў родзяць машыны. Сэрцы б'юцца, лякочуць, Уздым і апад няўпынны. Ні волі, ні сонца не хочуць Толькі адны машыны. Калёсы ў пякельным руху, Дзе мозг -- чужыя пружыны, Не думаць, а слухаць, слухаць -- Пракляцце бяздушных машынаў.