Словы Валярыны Куставай
Музыка Таццяны Салаўёвай
http://rv-blr.com/vershu/view/76843
Парыж. Ліставей.
Французскі дурман.
Месье Леставэль
зайшоў у шантан.
Ён сеў -- дзе заўжды.
I слухаў шансон.
У цішы хады --
не смерць і не сон! --
Парыж падышоў! --
сівы, як юнак,
і голы, як шок, --
наўпрост,
проста так.
I рукі паклаў
на плечы яго:
Парыж дазваляў
усім -- усяго.
З усмешкай шапнуў --
бы ўводзячы ў зман, --
за нервы ўшчыкнуў:
«Скажы, Антуан,
ці любіш сваё?..»
«Вядома: Гіём...»
«Маўчы, Леставэль!..»
Парыж. Ліставей.