У відэа выкарыстаны фрагменты з тэлефільма "Сямнаццаць імгненняў вясны" (1973) http://www.youtube.com/user/kinorussia#g/c/2A35A2F2AC8D99D1 Словы Міхала Анемпадыстава http://www.nn.by/1999/06/16.htm http://niva.iig.pl/issue/documents/narodny_albom.pdf Тут, на памежжы Каменныя вежы, Жалезныя дзверы, Замкі і засовы, Таемныя пасткі, Падземныя сховы, Маўклівыя маскі На тварах аховы. Ім сэрцы і душы Аплецены дротам, І токам атручана кроў. А ў кантрабандыста Блакітныя вочы. Ён працуе штоночы, Робіць цёмную справу, Парушаючы Права І Закон крымінальны, Праз граніцу цягае Кантрабандны тавар. А ў кантрабандыста Сталёвыя нервы. Ён гуляе ў цемры Ў небяспечныя гульні. І драпежная куля Нецярпліва чакае, Каб нарэшце спаткацца, Каб напіцца крыві, Ды ў кантрабандыста Ёсць ад кулі замова. Не баіцца ён змовы І таемнае пасткі, Не баіцца суддзі ён, Не баіцца ён кратаў - Ён з-за кратаў дахаты Усё адно ўцячэ, Бо ў кантрабандыста Ёсць на сэрцы наколка. Там ключы ды іголка І кажанавы крылы. Ён турэмныя краты Тым ключом адмыкае І ў цемры знікае Не сказаўшы "Good bye!"