Трынаццатыя міжнародныя спаборніцтвы па спартыўнай акрабатыцы «Кубак Касманаўтыкі» сабралі ў абласным цэнтры 113 атлетаў з Беларусі і Расіі. Сёлетні сезон віцебскія акрабаты праводзяць на дастойным узроўні. Змешаная пара і мужчынская чацвёрка сталі прызёрамі Кубка краіны. Бронзавыя медалі ў агульнакамандным заліку нашы землякі заваявалі на спартакіядзе школьнікаў і першынстве Беларусі. Хутка пачнецца чэмпіянат Беларусі і «Кубак Касманаўтыкі» з'яўляецца апошняй праверкай сіл напярэдадні рэспубліканскага турніру. Медалі на спаборніцтвах былі разыграны ў трох узроставых групах. З 45 відаў праграмы віцябляне выступілі ў 12. На рахунку нашых землякоў два першыя, адно другое і пяць трэціх месцаў. Тэлерадыёкампанiя «Вiцебск» © 2017