Аршанскі раён у бліжэйшы час павінен выйсці на новы ўзровень сацыяльна-эканамічнага развіцця. Гэтае пытанне распрацоўваецца на ўрадавым узроўні. Асаблівая ўвага па даручэнні Прэзідэнта Беларусі – развіццю малых населеных пунктаў. Адзін з самых старажытных гарадоў Віцебскай вобласці – Копысь – набывае новы выгляд. Тут ідзе рэканструкцыя сярэдневяковага гарадзішча. За аснову ўзяты план горада 17-ага стагоддзя. Будаўнічыя работы кантралююць навукоўцы, бо амаль уся тэрыторыя Копысі прадстаўляе сабой культурны слой. У зямлі, што паднялі экскаватары, ужо знойдзены артэфакты: манеты 17-га стагоддзя, нацельны крыж, керамічная пляшка. Мяркуецца, што пасля рэканструкцыі старажытнае мястэчка на левым беразе Дняпра увойдзе ў турыстычны маршрут “Залатое кольца Віцебшчыны”. Тэлерадыёкампанiя «Вiцебск» © 2017