Да 49-цігоддзя з дня заснавання ў Полацкім дзяржуніверсітэце ўрачыста адкрылі скульптуру «Прафесар Полацкай акадэміі». Вобраз мудрага педагога, які нясе святло ведаў і прывівае любоў да іх моладзі. У бронзе гэты вобраз увасобіў скульптар Аляксандр Прохараў. Выява атрымалася саліднай – каля трох метраў у вышыню. І заняла месца ў двары Полацкага калегіума побач са скульптурай студэнта. Па прызнанні аўтара, у вобраза прафесара быў рэальны прататып, аднак імя яго скульптар не раскрыў, вырашыў захаваць інтрыгу. Майстар прызнаўся, што скульптура «Прафесар Полацкай акадэміі» -- адна з лепшых яго работ. Тэлерадыёкампанiя «Вiцебск» © 2017