У паўфінале Міжнароднага конкурсу выканаўцаў эстраднай песні прадстаўнік Беларусі Ягор Шаранкоў выступіць пад нумарам 14. Гэта стала вядома сёння падчас жараб'ёўкі, якая прайшла каля Летняга амфітэатра. Адкрые заўтрашні паўфінальны конкурсны дзень выканаўца з Узбекістана Рышат Камаль, 13-ы нумар дастаўся спявачцы з Харватыі Ніне Краліч. Усяго ў Міжнародным конкурсе выканаўцаў эстраднай песні «Віцебск-2017» сёлета 21 удзельнік. У складзе журы вакальнага спаборніцтва – прафесіяналы высокага ўзроўню. Узначальвае яго заслужаная артыстка Балгарыі Йорданка Хрыстава.
Тэлерадыёкампанiя «Вiцебск» © 2017