Дзесяць элементаў культуры Віцебскай вобласці уключаны ў спіс гісторыка-культурнай спадчыны Беларусі. Нядаўна гэты пералік папоўнілі вясельныя звычаі Дубровенскага раёна і клёцкі з душамі, якія гатуюць на Лепельшчыне. Рашэнне было прынята на пасяджэнні рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры. Раней працэс прыгатавання клёцак сам па сабе нагадваў нешта незвычайнае і займаў куды больш часу, чым непасрэдна працэс ежы. Начысціць бульбы, прычым выбіраліся клубні буйныя, нацерці, затым масу абавязкова адціскалі. Потым пачыналася самае галоўнае – начынка, якую гаспадыні называлі «душой». Адсюль і назва – клёцкі з «душамі». Тэлерадыёкампанiя «Вiцебск» © 2017