Каршаковую саву, параненай, прывезлі ў Віцебскі заапарк, а дробную гусь заўважылі ў кампаніі качак і лебедзяў на беразе Заходняй Дзвіны. За апошнія 200 гадоў вядома ўсяго некалькі выпадкаў, калі каршаковая сава залятала на тэрыторыю Беларусі. Нечаканую госцю пакуль трымаюць у каранціне і кормяць мышамі, ад мяса яна адмаўляецца. У савы пашкоджана крыло, аднак вясной, пасля лячэння, яе паспрабуюць адпусціць у жывую прыроду. Днямі ў Віцебску заўважылі і яшчэ адну нехарактэрную для гэтых мясцін птушку – дробную гусь, якую называюць Піскулькай. Крылатая з'явілася на беразе Заходняй Дзвіны. Тэлерадыёкампанiя «Вiцебск» © 2018