Галоўная гераіня - дзяўчынка-інупіат Нуна ("зямля"). Інупіяты, інупікі, інюпіякі (мн.л. iñupiat, ад.л. iñupiaq), ад слоў «інук» (iñuk, «чалавек») і «-піяк» (-piaq, «сапраўдны») — народ крайняй Поўначы, які жыве на Алясцы. Адзін з эскімоскіх народаў, што адносяцца да інуіцкай моўнай групы эксімоска-алеўцкай сям'і. У цяперашні час сумарна на ўсіх дыялектах гаворыць прыкладна 2100 чалавек на поўначы Аляскі і на паўночным захадзе Канады. Інупіяты былі падзелены на дзве рэгіянальныя групы паляўнічых і збіральнікаў: тарыурміўт («людзі мора», якія жывуць на паўночным беразе Аляскі), і нунаміўт («людзі зямлі», жыхары кантынентальнай часткі паўвострава). Згодна перапісу 2000 года больш за 19 000 чалавек назвалі сябе інупіятамі, большасць з іх жыве на Алясцы. Гісторыя ў гульні заснавана на традыцыйнай казцы інупіятаў "Kunuuksaayuka", якая ўпершыню была запісана Робертам Насрукам Кліўлендам у яго зборніку "Гісторыі людзей Чорнай ракі". Хлопчык па імені Кунуўксааюка адпраўляецца ў падарожжа, каб знайсці крыніцу страшнай завеі. У самым воку буры ён знаходзіць чалавека, які кідае рыдлёўкай снег у паветра, што ператвараюцца ў шквал, які разбурае дом Кунуўксааюка. У гульні ж дзяўчынка Нуна сутыкаецца не толькі з холадам ды завеямі, але і з новым ворагам - гарачынёй. У сваім падарожжы яна дабіраецца да паселішча, якое спаліў антаганіст і адзін з босаў Never Alone - чалавек, што можа кіраваць агнём і кідаць вогненныя шары. Інупіяты заклапочаныя зменай клімату, бо глабальнае пацяпленне пагражае іх традыцыйнаму ладу жыцця. Вытанчаецца лёд, што ўскладняе паляванне на кітоў, маржоў і цюленяў; марскі лёд позна фармуецца, што выклікае затапленні і пагражае шматлікім прыбярэжным вёскам. #нэкастрым #гуляем #гульні #разам