Журналістка Тацяна Дубавец наведала Канстанціна Шышэю – ваяра наваградскага швадрону Беларускай Краёвай Абароны (БКА). Гэна беларускае ваеннае фармаваньне, створанае са згоды нямецкіх акупацыйных улад. Кіраваў ім Барыс Рагуля - пазьней вядомы эміграцыйны дзеяч. Швадрон быў разьмешчаны каля Наваградка, ахоўваючы беларускія вёскі ад рабаваньня і правакацый з боку чырвоных партызан. Успаміны галоўнага гэроя матэрыялу датычацца апошніх дзён існаваньня швадрону, часткова расфармаванага 05.07.1944, за дзень да прыходу Краснай арміі.