Беларуская нацыянальная меншасьць у Латвіі ў міжваенны пэрыяд стварыла сваё школьніцтва, выдавецтвы, прэсу, тэатр і навуковыя таварыствы. У гэтым відэа размаўляюць з беларуска-польскім гісторыкам Юрыем Грыбоўскім. Гаворыцца пра беларускі нацыянальны рух да 1918 году, дачыненьні паміж беларускімі і латыскімі палітыкамі ў часы БНР, і што сабой уяўляла беларуская нацыянальная меншасьць у міжваеннай Латвіі. Таксама адзначаюцца этапы перажыцця беларускай нацыянальнай меншасьці ў Латвіі, асноўныя арганізацыі і дзеячы беларускага руху ў краіне.