Беларуская Мова - чарговы твор з праекту паэта Леаніда Пранчака і гурта Дразды ПЕСНЯ, ЯКУЮ НА КАНЦЭРТАХ СЛУХАЮЦЬ СТОЯЧЫ! Каментарый Леаніда Пранчака: Тэкст гэтай песні створаны па просьбе спевака Віталя Карпанава. Падчас адной з тэлефонных размоў ён сказаў мне: -- Ёсць мелодыя, якую я нашу ў сабе ўжо некалькі гадоў, я чую яе і люблю. А вось тэкст ніяк не прыходзіць. Але я дакладна ведаю, што ў гэтай мелодыі маё замілаванне і пяшчота, мой боль і трывога, маё асэнсаванне: што ёсць для мяне мая родная мова. Мяне моцна ўразілі гэтыя яго словы, таму і тэкст склаўся адразу сам сабой, пакуль я касіў траву ў садзе. У верасні мінулага года адбылася прэм'ера песні і яна пачала сваё канцэртнае жыццё. Падчас нядаўніх выступленняў у Скідэлі, Светлагорску, Мінску людзі, пачуўшы прыпеў песні, падымаюцца са сваіх месцаў і слухаюць яе стоячы. Цяпер Віталь Карпанаў працуе над падрыхтоўкай студыйнага запісу гэтай песні. БЕЛАРУСКАЯ МОВА Музыка: Віталь Карпанаў Верш: Леанід Пранчак Як ручаёк лясны У ранiшняй цішы, Звiнiць i ўдаль плыве, Як пошум спелай нiвы, Як зорны перазвон – Мелодыя душы, Маёй Айчыны спеў Высокi i праўдзiвы. Ты бабуліна казка, Ты матуліна ласка, Ты гаючая краска, Ты ад болю замова, Хлеб на чыстым абрусе, Храм, дзе Богу малюся, Ты душа Беларусі – Наша родная мова! Суродзічы, сябры, Мы тут гаспадары! У еднасцi людской, А не ў зацятай змове Давайце гаварыць, Давайце гаварыць На роднай, на сваёй, На беларускай мове. Ты бабуліна казка, Ты матуліна ласка, Ты гаючая краска, Ты ад болю замова. Хлеб на чыстым абрусе, Храм, дзе Богу малюся, Ты душа Беларусі Наша родная мова! Любоўю Беларусь Мы здолеем сагрэць. Радзімая зямля, Майго жыцця аснова, Не дай памерці нам, Не дай нам анямець! Мы будзем жыць датуль, Пакуль жывая мова. Словы: Леанід Пранчак Музыка: Віталь Карпанаў Аранжыроўка гурт "Дразды": Ілля Немыцька - баян, Сяргей Кісялёў - бас-гітара, Андрэй Маўрын - ударныя, Раман Гарбацкі - электра-гітара, Фёдар Шахлевіч - перкусія, Канстанцін Цеўрызаў - саксафон. Саундпрадзюсірванне,звядзенне, мастэрынг: Слава Трыбухоўскі, Дзмітрый Білаш Группа Дрозды в соц.сетях: TikTok: https://www.tiktok.com/@drozdy_band VK: https://vk.com/drazdy Facebook: https://www.facebook.com/drazdy/ Instagram: https://www.instagram.com/drozdy_band/ Telegram: https://t.me/drozdy OK: https://ok.ru/group/44994888663164 Организация концертов: +375(29)313 06 28