КАХАНАЯ - Анатоль ЯРМОЛЕНКА і ансамбль СЯБРЫ Верш леанід ПРАНЧАК Музыка Валеры ІВАНОЎ Спявае Анатоль ЯРМОЛЕНКА І ансамбль СЯБРЫ ПРА ПЕСНЮ "КАХАНАЯ" леанід ПРАНЧАК Тэкст песні напісаны падчас маёй вандроўкі па Амерыцы ў 1994 годзе. Разам з іншымі 4 тэкстамі я пераслаў яго ў Беларусь кампазітару Леаніду Захлеўнаму. Леанід Канстанцінавіч паклаў усе тэксты ў партфель і паехаў на заняткі ў кансерваторыю. Так ён расказваў мне сам. Там да яго ў кабінет заглянуў кампазітар Валерый Кірылавіч Іваноў, які вёў заняткі побач і Захлеўны даў яму пачытаць толькі што атрыманыя вершы. Валерый Кірылавіч прачытаў верш КАХАНАЯ і папрасіў у Захлеўнага аддаць гэты тэкст яму. -- Бяры, -- адказаў Захлеўны, -- думаю Пранчак не пакрыўдзіцца. У той жа дзень Валерый Іваноў напісаў песню КАХАНАЯ. Так Леанід Захлеўны прадзюсіраваў адну з лепшых маіх песень. Я не раз жартаваў: -- Дзякуй, Леанід Канстанцінавіч, што не зажаў тэкст! Астатнія чатыры тэксты з тога шчаслівага канверта таксама сталі вядомымі песнямі. Музыку да іх напісаў Леанід Захлеўны.