Яўген ЧАЛЫШАЎ і гурт ХАРЛІ - НОЧ ДАРОГІ Верш леанід ПРАНЧАК Музыка Яўген ЧАЛЫШАЎ Спявае Яўген ЧАЛЫШАЎ і гурт ХАРЛІ НОЧ ДАРОГІ леанід ПРАНЧАК Цягнік вячэрні доўгі і зялёны. Перон сталічны цёмны і пусты. Асеннія зажураныя клёны У твар шпурляюць жоўтыя лісты. Не хочацца нікуды сёння ехаць. Гняткая ціша, слепяць ліхтары. Глухое і раскацістае рэха Згарэла дзесьці ў полымі зары. З Масквы да Мінска ноч дарогі. Вязе цягнік насустрач снам Мае надзеі і трывогі. Я тут, а ты пакуль што там, Дзе ты жывеш, маё каханне, Ля мінскіх ліпаў і бяроз, Дзе праз самотнае растанне Я зразумеў, што ты мой лёс. Купэ ня спіць, частуюся гарбатай. Шчаслівы буду зноў спаткаць цябе. Сагрэўся сам пад хмараю кудлатай, Ды што з таго, як сэрца у журбе. Гарачы лоб змакрэе і астыне. З Масквы – у Мінск праз туманы і ціш, Дзе жураўліхай з восеньскіх вышыняў Ты пра любоў знясілена крычыш. З Масквы да Мінска ноч дарогі. Вязе цягнік насустрач снам Мае надзеі і трывогі. Я тут, а ты пакуль што там, Дзе ты жывеш, маё каханне, Ля мінскіх ліпаў і бяроз, Дзе праз самотнае растанне Я зразумеў, што ты мой лёс. 13.02.2024