ПЯШЧОТА Верш леанід ПРАНЧАК Музыка Зміцер ЯЎТУХОВІЧ Спявае Анатоль Ярмоленка і ансамбль СЯБРЫ ПЯШЧОТА леанід ПРАНЧАК Недарэчная віна: Я адзін і ты адна. Я – без цябе, Асірацелы быццам. Як асенняя смуга, Захлыне мяне туга. Я не магу Чараў тваіх пазбыцца. Ты пяшчоту сваю зберажы. Зачаруй мяне, заваражы. Каб не ведала сэрца маё Адзіноты. Помніць пра цябе Дазволь. Я твой сум, А ты мой боль. Вочы твае Зоркамі нада мною... Што б з каханнем ні было, Помню я тваё цяпло. Мара мая — Быць назаўсёды з табою. Горкіх слоў пра любоў не кажы. Я не твой, не з табой, я чужы. З небыцця, з забыцця ажыву Я пяшчотай... Ты пяшчоту сваю зберажы. Зачаруй мяне, заваражы. Каб не ведала сэрца маё Адзіноты.