РОДНЫ КРАЙ Верш леанід ПРАНЧАК Музыка Леанід ЗАХЛЕЎНЫ Спявае Oksana VOLKOVA (Аксана ВОЛКАВА) РОДНЫ КРАЙ леанід ПРАНЧАК Сінь высокіх нябёс, Гоман стромкіх бяроз, Сонца кола над ціхай ракой... Тут мае карані, Тут зямля дабрыні, Тут вытокі пяшчоты маёй. Спеўнай мовы святло, Нівы спелай цяпло, Звон дубровы і клёкат буслоў, Зберажом назаўжды Мы з табой праз гады Нашу веру і нашу любоў. Родны край зямлі спрадвечнай, Я люблю цябе сардэчна, Я табе аддана сэрцам і душой. Сонцам, небам, шляхам млечным, Ты жыві і слаўся вечна Непаўторны край бацькоўскі, Любы мой. Мы -- нашчадкі твае. Песня ў сэрцы жыве, Нібы продкаў маіх запавет. Каб на гэтай зямлі Беларусы жылі Покуль будзе стаяць гэты свет! Родны край зямлі спрадвечнай, Я люблю цябе сардэчна, Я табе аддана сэрцам і душой. Сонцам, небам, шляхам млечным, Ты жыві і слаўся вечна Непаўторны край бацькоўскі, Любы мой. 18.01.2024