ЦІК-ТАК, ХОДЗІКІ! Верш леанід ПРАНЧАК Музыка Эдуард ХАНОК Спявае Юля МАЛІНОЎСКАЯ і гурт ЗВАНОЧКІ п/к Валянціны СЯРЫХ ЦІК-ТАК, ХОДЗІКІ! леанід ПРАНЧАК П’ём гарачую гарбату З мёдам майскім упрыкуску. І мяне бабуля вучыць Гаварыць па-беларуску. Васількі ў світальным жыце. Вербы ніцыя над Сожам. У бары цяністым Свіцязь. Па-над Нёманам Каложа... Цік-так, цік-так, ходзікі! Мне чатыры годзікі. Чуб ільняны светла-русы. Тата з мамай – Беларусы. Я, дзяўчынка беларуска, З васільковымі вачыма. Хоць малая, Але знаю: Беларусь – мая Радзіма. За бабуляй паўтараю. Што ні слова – Быццам песня: Старадаўні Навагрудак, Налібокі і Палессе. Словы родныя люблю я. Вершаў ведаю багата. Гукі мовы беларускай Пахнуць верасам і мятай. Цік-так, цік-так, ходзікі! Мне чатыры годзікі. Чуб ільняны светла-русы. Тата з мамай – Беларусы. Я – дзяўчынка беларуска З васільковымі вачыма. Хоць малая, Але знаю: Беларусь – мая Радзіма. 1989 На здымку: паэт леанід ПРАНЧАК