Я хацеў уцячы… Менавіта гэтак назваў адзін са сваіх вершаў з цыкла “Вяртаньне ў веру” выбітны беларускі паэт Артур Вольскі. Пры падрыхтоўцы вечарыны памяці брата ў Хрысьце Артура Вольскага, якая адбылася ў царкве “Ушэсьце” (“Узьнясеньне”) 16 лістапада 2014 года, евангеліст Алесь Фірысюк напісаў музыку да гэтага верша. На гэтай вечарыне адбылася і прэм’ера песні. З таго часу песьня выконваецца ў шматлікіх хрысьціянскіх грамадах. Я прапаную адно з апошніх выкананьняў у царкве “Узьнясеньне” 02 ліпеня 2017 года гуртом “Каўчэг” у складзе Алеся Фірысюка ды Зьміцера Марчука. Што датычыць другога цудоўнага сьпева ў выкананьні гурта “Каўчэг” (“Ня можа быць…”), то музыку напісаў вядомы беларускі кампазітар Зьміцер Яўтуховіч, аранжыроўку зрабіў Віктар Пакідзюк. А тэкст сьпева са зборніка “Песнь возрождения” на беларускую мову пераклаў Зьміцер Марчук. Мікалай Кійка.