Вядомы хрысціянкі спеў "Грэшнік я няшчасны!" выконваюць вернікі ў царкве "Святы Крыж" (Забашавічы). Салісты - Віктар і Валянціна Яржэмкоўскія.
"1. Грэшнік я няшчасны,
Праўда, я такі!
Калі б Госпад з ласкі
Не пакрыў грахі,
Не паслаў мне лекаў,
І не спас мяне,
Я б ляжаў вавекі
На грахоўным дне.
2. Буду з верай шчырай
На Хрыста глядзець,
Сам Ён скажа скора,
Што мне трэба мець.
Слова пацяшэння
Дасць душы спакой,
Сум і паніжэнне
Зніме як рукой.
3. Ён, як Пастыр Добры,
Дбае аба мне,
Ад звяроў бароніць,
Корміць і вядзе,
Для Хрыста хачу я
Жыць і працаваць,
Час і ўсё, што маю,
Для Яго аддаць.
4. Госпадзе, Ты дзіўны
Ў дзеянні Тваім,
Ты Заступнік верны,
Ты мне ўсё ва ўсім.
Хай я буду бедны
Духам прад Табой,
Але ўсюды пэўны,
Што Ты Пастыр мой."
Тэкст пададзены паводле выдання:
"Гімны хрысціян", Мінск, PICORP, 1996г.
мк