Уладзімір Караткевіч. "Бацькаўшчына". Літаратура "Беларуская". 05 клас. На памяць. Чытанне тэксту Фота Відэа - Мікола Кійка. Літаратура - YouTube Владимир Короткевич. "Отечество". "Отчизна". Белорусская литература. 05 класс. На память. Тэкст: "Уладзімір Караткевіч. Бацькаўшчына. Дагарэў за брамай небакрай, Месяц паміж вобласчкаў плыве. Выйду зноў, як у мінулы май, Басанож прайдуся па траве. Дымная, сцюдзёная раса, Цёмныя ў траве ад ног сляды. А такога рослага аўса Я не бачыў доўгія гады. Бач, хмызы спляліся, як павець, Светлякі мігцяць, гараць святлей. Перад тым як звонка ў лозах пець, Прачышчае горла салавей. Лашчыцца трава да босых ног. З дальніх паплавоў плыве ракой Ледзь прыкметны сумны халадок – Подых юні ўходзячай маёй. Паімчаць за ёю наўздагон? – Хоць і схопіш – ўсё адно падман. Дзе каханне тых мінулых дзён – Весніх паркаў бэзавы туман? Нават шкадаванне - дзе яно? Зноў вясна, і жаль знікае зноў. ( Так губляюць пах перад вясной Ссохлыя сцябліны палыноў.) Ціха цмокае у сне рака. О, як добра, як прыгожа жыць! Раска, як русалчына луска, На вадзе ад месяца гарыць. А вакол травіцы роснай рай І бярозак белая сям’я. Мой чароўны беларускі край, Бацькаўшчына светлая мая!" Асноўная думка твора заключана ў наступных радках верша "Бацькаўшчына": "Мой чароўны беларускі край, Бацькаўшчына светлая мая!"