Янка Купала: "Явар і каліна". Літаратура "Беларуская". 09 клас. На памяць. Літаратура - YouTube. Чытанне тэксту - М.Кійка.
Янка Купала: "Явар и калина". Белорусская литература. 09 класс. На память. Чтение текста - Н.Кийко.
Тэкст:
“Песняй вясны лебядзінаю,
Скінуўшы зімнія чары,
Шэпчуцца явар з калінаю
Ў сумнай даліне над ярам.
Лісцікі зеленяй хваляцца
Небу панятлівай мовай:
Росамі мыюцца раніцай,
Песцяцца сонцам паўднёвым.
Захадам модлы пакорныя
З маткай-зямлёй адпраўляюць;
Тайна у ночаньку чорную
Месяца, зор выглядаюць.
Слухаюць смехаў русалчыных,
Лопату крылляў начніцы,
Ветру павеваў ап’янчаных,
Плюскату шклістай крыніцы.
Чуецца музыка дзіўная
Ў повесцях сонных імшараў…
Цешыцца явар з калінаю,
Скінуўшы зімнія чары. 1910”
Тэкст паводле: “Янка Купала. Поўны збор твораў у дзевяці тамах. Том 2. Вершы. Пераклады 1908-1910. Мінск “Мастацкая літаратура” 1996”