Сінь-васількі. "Радуніца". Тэкст - Уладзімір Някляеў. Музыка - Ядзвіга Паплаўская і Аляксандр Ціхановіч. Аранжыроўка - Мікалай Туравец. СІНЬ – ВАСІЛЬКІ 1. Воляй нябёс вытканы лёс, Як васількамі сьвяточны абрус. Доля адна, воля адна, І ты адна на ўсіх нас, Беларусь! Сінь-васількі, сінь-васількі Ды верасовыя сінь-туманы. Дзе мне ні быць – сьніць мне і сьніць Пра Беларусь васільковыя сны. 2. Доля мая, ведаю я, Што на зямлі не пражыць без спакус, Ды колькі жыць, столькі любіць, Столькі маліцца мне за Беларусь!.. Сінь-васількі, сінь-васількі Ды верасовыя сінь-туманы. Дзе мне ні быць – сьніць мне і сьніць Пра Беларусь васільковыя сны. 3. Зь неба, дзе сінь Боскіх вышынь, Сыплюцца зоркі на белы абрус, І ўсё ляцяць, крыльлем шумяць Белыя лебедзі праз Беларусь. Сінь-васількі, сінь-васількі Ды верасовыя сінь-туманы. Дзе мне ні быць – сьніць мне і сьніць Пра Беларусь васільковыя сны.