"Ты знаеш, Божа, мае жаданні..." Хрысціянскія спевы. Супольнасць хрысціян "Вера". Выканаўца - Арына. Літаратура - YOUTUBE Тэкст: "Ты знаеш, Божа, мае жаданні, Малітву чуеш Ты маю; Мае трывогі, мае блуканні, Перад Табою не таю. Ты знаеш, Божа, што не шукаю Багацця й пахвалы зямной; Ці на чужыне, ці ў родным краю Я прагну быць Тваім слугой. На сэрцы цяжка, не раз я плачу, Каб мог, кудысь бы паляцеў; Я адзінокі, цярплю няўдачы, Змаўкае мой вясёлы спеў. Ніхто не знае, ніхто не скажа, Чаму падчас валюся з ног. І хто пацешыць, і хто разважыць, Калі на сэрца камень лёг? Каб сэрца роспач не паланіла, Трымай мяне Сваёй рукой, Бо трачу веру, бо слабне сіла, А шлях далёкі прада мной."