Анатоль Грачанікаў. "Верасень". Літаратура "Беларуская". 05 клас. На памяць. Літаратура - YouTube Чытанне тэксту Фота Мантаж відэа - Мікалай Кійка. У відэа выкарыстана фота працы беларускага мастака Яўгена Шчоткі "Восень". Тэкст: "Анатоль Грачанікаў Верасень Зноў верасень — Запаслівы грыбнік — Шчыруе па імшыстых баравінах. Трымціць раса на звонкіх павуцінах, I травастою пах яшчэ не знік. Немітусліва Промні аж да дна Прасвечваюць азёрныя глыбіні. I гронкі ацяжэлыя каліны Насыціліся сокамі спаўна. Мне даспадобы Верасень заўжды. I не таму, што ў ім я нарадзіўся. У верасні мне свет увесь адкрыўся У спеласці сакоўнай — малады. Так, свет! I сам я ў вераснёвы час, Прасвечаны святлом яго, як гронка, Спяваю і не ціха, і не звонка Для вас, абшары родныя, для вас, Шчымліва Адчуваючы душой Закончаную яснасць у прыродзе, I ў жураўліным сцішаным палёце, I ў засцюдзелай быстрыні рачной. Вулля Шукае позняя пчала. Лагодна-мяккі свет, нібы вашчына. I дабратой прасвечана Айчына У барвах баравіннага святла." Тэкст паводле: "Беларуская палічка" Анатолий Гречаников. "Сентябрь" ("Верасень"). Белорусская литература. 05 класс.