"Чаму Госпад забірае духоўныя дары?" (Евангелле паводле Мацвея 25:24-30). Напісанне і чытанне казані - М.Кійка. Літаратура - YouTube. "Почему Господь забирает таланты?" (Евангелие от Матфея 25:24-30). Написание и чтение проповеди - Н.Кийко. Трэцяя, заключная частка тэкста: "3. Мы да гэтага моманту разглядалі з вамі прыклады са Старога Запавету. А зараз давайце адгорнем Новы Запавет і знойдзем там 2 ліст Апостала паўла да Цімахвея: “Бо Дымас пакінуў мяне, палюбіўшы цяперашняе жыцьцё, і пайшоў у Фесалоніку, …адзін Лукаш са мною.” (2 Цімахвею, 4:10). Так, сябры. Вось такая непрыемнасць вялікая здарылася. У каго, вы думаеце, непрыемнасць гэтая адбылася? Так. У Дымаса. Нават не непрыемнасць. А катастрофа ўсяго жыцця. Бо, як ведаем, яшчэ зусім нядаўна спадар Дымас быў “супрацоўнікам” Паўла. І калі апостал Павел пісаў ліст Халімону, то ён так характарызаваў Дымаса: “Вітаюць цябе Эпафрас, вязень разам са мною дзеля Ісуса Хрыста, Марк, Арыстарх, Дымас, Лукаш, - супрацоўнікі мае” (Ліст Халімону. 1:23-24). Тут мы бачым імя Дымаса ў адным шэрагу з такімі служыцелямі Хрыстовымі, як Евангелісты Марк ды Лукаш… І раптам: “…Дымас пакінуў мяне…”. Што ж здарылася? Чаму Дымас па-просту пазбавіўся такога вялікага Дару Хрыстовага, як “служэнне ў царкве”? Апостал Павел кажа нам пра прычыну такой жыццёвай катастрофы Дымаса: “ ён палюбіў цяперашняе жыцьцё…”, ці, калі глянуць сінадальны пераклад на расейскай, то ”ён палюбіў цяперашні век”. Гэта значыць, Дымас, палюбіў гэты грахоўны свет болей за Госпада, за Ягоную Царкву, за Валадарства Божае. Да чаго ўся наша сёняшняя гутарка такая? Справа ў тым, што вельмі часта мы з-за свят, побытавай ды іншай жыццёвай мітусні забываемся, дзеля чаго наогул прыходзіў на зямлю Ісус Хрыстос у целе ды дзеля чаго Ён дзейнічае зараз тут Духам Сваім Святым. Ісус чакае нашага – твайго, майго адказу на Ягоны заклік, на прапанаваныя Ім для кожнага з нас талянты, ці дары духоўныя. І не за пагоркамі той вялікі момант, калі Ён, як той “Гаспадар” з прыпавесці пра талянты прыйдзе да нас зноў і запатрабуе ад кожнага з нас справаздачу за дадзеныя Ім дзеля нашага жыцця ды служэння дары… Амін. Слава Хрысту! 22 снежня 2018г, 17-18 ліпеня 2021г. мк"