Рыгор Барадулін: "Трэба дома бываць часцей". На памяць. Аўдыякніга з тэкстам. Літаратура "Беларуская". 8 клас. Літаратура - YouTube. Григорий Бородулин: "Дома надо бывать почаще". На память. Аудиокнига с текстом. Белорусская литература. 8 класс. Рыгор Барадулін Трэба дома бываць часцей “Трэба дома бываць часцей, Трэба дома бываць не госцем, Каб душою не ачарсцвець, Каб не страціць святое штосьці. Не забыць, як падвялы аер На памытай падлозе пахне, Як у студню цыбаты асвер* Запускае руку да пахі. Не забыць сцежкі той, што цябе На дарогу выводзіла з дому, Што у хаце там быў рубель У цане і па курсу старому. Не забыць, як марозам злым Клямка пальцы пячэ балюча І адкуль на стале тваім Бохан свежага хлеба пахучы. Помніць свой на іржышчы цень, Не забыць, як завуць суседа, Не забыць, як пяе пад дзень За вясёлым сталом бяседа. Трэба дома бываць часцей, Трэба дома бываць не госцем, Каб душою ты стаў чысцей І не страціў святое штосьці. * Асвер - журавель калодзежа.” Тэкст паводле: “Беларуская палічка” Краязнаўчы калейдаскоп: 1. Частка калодзежнага жураўля ў выглядзе доўгай жэрдкі, пры дапамозе якой дастаюць вядро з вадой - “АСВЕР” 2. Жылая, пераважна зрубленая з бярвення пабудова - “ХАТА” 3. Гідратэхнічнае збудаванне для здабычы грунтавых водаў. Разам з іншымі малымі архітэктурнымі формамі актыўна ўдзельнічае ў фарміраванні ансамбля сядзібы, сельскага населенага пункта і інш. Зараз ім на змену прыходзіць вадаправод - “СТУДНЯ” (“КАЛОДЗЕЖ”) 4. Прамежак часу ў сутках або цэлыя суткі, прысвечаныя пэўнаму роду заняткаў, дзейнасці - “ДЗЕНЬ” 5. Зжатае поле. “ІРЖЫШЧА” 6. Прыстасаванне, з дапамогай якога адчыняюць і зачыняюць дзверы - “КЛЯМКА” 7. Шматгадовая травяністая расліна сямейства ароідных з доўгім мечападобным лісцем і паўзучым карэнішчам, з прыемным вострым пахам - “АЕР”