Янка Лучына: "Роднай старонцы". Аўдыякніга. Беларуская літаратура ("Літаратура "Беларуская"). 10 клас. Літаратура - YouTube. Янка Лучина: "Родной сторонке". Аудиокнига. Белорусская литература. 10 класс. Янка Лучына Роднай старонцы Ты параскінулась лесам, балотамі, Выдмай пясчанай, неураджайнаю, Маці-зямліца, і умалотамі Хлеба нам мерку не даш звычайную. А сын твой, беднаю адзет сярмягаю, З лыка пляцёныя лапці абуўшы, Едзе драбінамі ці калымагаю, Конем, што цягне, як бы заснуўшы… Усё ў табе бедна. Часта заплача Мужык-араты дзеля злой долі, Цяжка працуючы. Ён жа, аднача, З табой расстацца не жджэ ніколі. І непрыглядную хату з пажыткамі, І поле скупое, выган без пашы Мы, апрануўшыся старымі світкамі, Любім і цэнім – бо яны нашы. Дасць Бог, крывавым потам аратаму Здабрыць пясчану зямліцу здарыцца, Быць добра сытаму, хоць небагатаму, А дзеля празніка і чарка нам здарыцца. Сонца навукі скрозь хмары цёмныя Прагляне ясна над нашай ніваю, І будуць жыці дзеткі патомныя Добраю доляй – доляй шчасліваю!.. 1891 “Беларуская палічка” - Тэкст падаецца паводле выдання: невядомае Крыніца: невядомая