Якуб Колас: "Не бядуй!" Аўдыякніга з тэкстам. Беларуская літаратура ("Літаратура "Беларуская". 9 клас. Літаратура - YouTube. Якуб Колас: "Не горюй!" Аудиокнига с текстом. Белорусская литература. 9 класс. Якуб Колас Не бядуй! Не бядуй, што сонца нізка, Што прыходзіць нудны дзень, Не бядуй, што восень блізка І на дол кладзецца цень. Не бядуй, што снег халодны Скрые землю ад вачэй: Не загіне край твой родны У тэй цемені начэй! Будзе час, і снег растане, Прыйдзе зноў да нас вясна, Ветла з неба сонца гляне, Ачуняе старана. Не бядуй, што цяжка стала Жыць у вечнай цемнаце, Што нас доля вечна гнала, Што жывём у беднаце. Не бядуй, што звіслі хмары, Што нам сонца не відаць, Не бядуй, што ўноч пажары Сталі неба заліваць, - Дымам пойдзе ўсё ліхое, Ўсё, што душыць нас і гне. Вер, брат, - жыцце залатое Будзе ў нашай старане. [1907] ________________________________________ Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910