Якуб Колас: "Родныя вобразы". Аўдыякніга з тэкстам. Беларуская літаратура ("Літаратура "Беларуская"). 9 клас. Літаратура - YouTube. Якуб Колас: "Родные образы". Аудиокнига с текстом. Белорусская литература. 9 класс. Якуб Колас Родныя вобразы Вобразы мілыя роднага краю, Смутак і радасць мая! Што маё сэрца да вас парывае? Чым так прыкованы я К вам, мае ўзгорачкі роднага поля, Рэчкі, курганы, лясы, Поўныя смутку і жальбы нядолі, Поўныя сумнай красы? Толькі я лягу і вочы закрыю, Бачу я вас прад сабой. Ціха праходзіце вы, як жывыя, Ззяючы мілай красой. Чуецца гоман мне спелае нівы, Ціхая жальба палёў, Лесу высокага шум-гуд шчаслівы, Песня магутных дубоў… Вобразы мілыя, вобразы смутныя, Родныя вёскі і люд, Песні цягучыя, песні пакутныя!.. Бачу і чую вас тут. [1908] ________________________________________ Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910