Якуб Колас: "Першы гром". Аўдыякніга з тэкстам. Беларуская літаратура ("Літаратура "Беларуская"). 9 клас. Літаратура - YouTube. Якуб Колас: "Первый гром". Аудиокнига с текстом. Белорусская литература. 9 класс. Якуб Колас Першы гром Голасам моцы, ціха і важна Гром пракаціўся ўгары. Луг адазваўся грому працяжна, Лес адгукнуўся стары. Гай страсянуўся, дрогнула поле, Долы той гук паняслі. Ў гэтым раскаце чуецца воля, Чуецца радасць зямлі. Ў грукаце гэтым многа ёсць сілы, Чуецца моц і прастор… Першыя громы! Сэрцу вы мілы, Люб мне ваш смех паміж гор. Міл майму сэрцу гоман далёкі, Водгук вясёлы і шум. Гром ты магутны, гром адзінокі! Колькі ўскатурхаў ты дум! Моцна мяне ты клічаш на волю - Цяжка без волі мне тут. Кланяйся, громе, роднаму полю, Родны вітай ты мой кут! Мінскі астрог, 26/V 1910 ________________________________________ Тэкст падаецца паводле выдання: Колас, Я. Збор твораў: у 20 т. Т. 1: Вершы, 1898―1910