Рыгор Барадулін: "Пакуль жывеш - развітвайся з жыццём..." Аўдыякніга з тэкстам. Беларуская літаратура ("Літаратура "Беларуская"). 11 клас. Літаратура - YouTube. Рыгор Бородулин: "Пока живёшь - прощайся с жизнью..." Аудиокнига с текстом. Белорусская литература. 11 класс. Рыгор Барадулін Пакуль жывеш, развітвайся з жыццём... Пакуль жывеш, развітвайся з жыццём Штогодна, штогадзінна, штохвілінна, Твой кожны дзень, Забраны забыццём, Лічы сваім найбольшым адкрыццём, Ты – з дрэва часу Кволая галіна. Штодня вядзі з самім сабою бой, Каб клопаты цябе не пахавалі, Жыві надзеяй, Мараю слабой, Што свет трымаецца Адным табой - З ракі ўсёзабыцця – намерам хвалі. Старайся не ў дзяльбе, А ў малацьбе, Каб вымалаціць з цемрачы праменне. Ляж зморшчынкай Ва ўсмешцы на ілбе, Каб недзе ўспомніла жыццё цябе, У незваротнай вечнасці - Імгненне. 1983 ________________________________________ Тэкст падаецца паводле выдання: невядомае Крыніца: http://vershy.ru