Пятрусь Броўка: "Спатканне" ("Мне ўсё дорага тут...") Аўдыякніга з тэкстам. Беларуская літаратура ("Літаратура "Беларуская"). 10 клас. Літаратура - YouTube. Петрусь Бровко: "Встреча" ("Мне всё дорого тут...") Аудиокнига с текстом. Белорусская литература. 10 класс. Пятрусь Броўка “Спатканне” Мне ўсё дорага тут, Люба, родна, прыгожа — Гэта поле ў душы, Гэта неба ў вачах, I лясы, і кусты, I трысцё па-над Сожам, I ў пажарах бяроз Лістападаўскі шлях. Як спяшаў я да вас, Засмучоныя хаты, Здратаваныя нівы, Лугі-мурагі!.. Я вярнуўся да вас Цвёрдым крокам салдата. Хоць нямала пранёс За дарогу тугі. Хіба мог я калі Хоць на момант забыцца? Вамі жыў я I ў сэрцы хацеў зберагчы. Мне званілі штодня З-пад Ушачы крыніцы, Хвалі Нёмна будзілі Не раз уначы. Я ўставаў І ішоў па ваеннай дарозе. Верыў – дома мне быць, Дабрыду, дажыву… Хмары слёзы насілі З Дняпра і Бярозы І, як срэбрам, Абсыпалі мне галаву. Я спаткаўся з зямлёй, З другам, братам, сястрою… Што мне скажаце вы? Што мне вам расказаць? Гляньце ў сэрца маё, - Я прынёс яго з бою, На агні яго можна Мячы гартаваць. Гляньце, вочы мае Ў сінім полымі болю, - Не кажыце вы мне Пра пакуты і жах, Не кажыце пра гора, Бо гора даволі, Больш чым кладзі салдацкай, Нясу на плячах. Вось за крыўду і боль І адпомсціць я мушу. Гляньце – сёння ў грудзях Толькі помста адна! За сябе і за вас, І за гэтую грушу, Што з абвугленым голлем Стаіць ля акна. Мне ўсё дорага тут – І ў прысадах дарога, І задумлівы гай Над высокай гарой… Я пайду, кліча Буг! Знаю я, перамога Над усёю краінаю Ўстане зарой. • Пятрусь Броўка