Тарас Шаўчэнка - Янка Купала: "Думка". Аўдыякніга з тэкстам. Беларуская літаратура ("Літаратура "Беларуская"). 10 клас. Літаратура - YouTube. Тарас Шевченко - Янка Купала: "Думка". Аудиокнига с текстом. Белорусская литература. 10 класс. Тарас Шаўчэнка Думка Цяжка-цяжка жыць на свеце Сіраце без роду: Няма куды прыхіліцца, - Хоць з гары ды ў воду! Утапіўся б маладзенькі У той быстрай рэчцы; Утапіўся б – цяжка жыці. І няма дзе дзецца. Ходзіць доля ў каго полем, Каласкі збірае, А мая дзесь, нягодніца, За морам блукае. Добра таму багатаму: Яго людзі знаюць; А са мною сустрэнуцца - Вокам абмінаюць. Багатага, губатага Дзяўчына шануе; З мяне, сіраты гаротнай, Смяецца, жартуе. “Ці ж я табе не прыгожы, Ці не ў цябе ўдаўся, Ці не люблю цябе шчыра, Ці з цябе смяяўся? Любі ж сабе, маё сэрца, Любі, каго знаеш, Але з мяне ты не смейся, Калі ўспамінаеш. А я пайду на край свету… На чужой старонцы Знайду лепшую ці згіну, Як той ліст на сонцы”. Пайшоў казак сумуючы - Нікога не кінуў; Шукаў долі ў чужым полі Ды там і загінуў. Уміраючы, ўглядаўся, Дзе сонейка ззяе… Цяжка-цяжка уміраці, Цяжка ў чужым краі! Гатчына, 1838 ________________________________________ Пераклад: Янка Купала