Музыка: Ігар Палівода Словы: Генадзь Бураўкін Вечар памяці Ігара Паліводы праходзіў 19.04.2005 у каcцёле Святога Роха на Залатой Горцы ў Мінску (з 1984 - 2005 год будынак касцёла выконваў таксама функцыі малой залы Белдзяржфілармоніі). Алена Лузан (канцэртмайстар Белдзяржфiлармонii) - фартэпіяна (1) Атруці мяне вясновым хмелем, Апляці мяне рукамі цёплымі. На дваіх з табою мы падзелім Ноч, што льецца залатымі кроплямі. Прыпеў: Прытулі мацней, мая абранніца. Наталі мае сухія вусны... О, як хутка прыплывае раніца — Сну і явы сонечнае вусце!.. (2) Ап'яні мяне дыханнем чыстым, Ахіні мяне прызнаннем ціхім. Мы ў далоні з неба зор маністы Ссыплем рук суладным ускалыхам. Прыпеў: Прытулі мацней, мая абранніца. Наталі мае сухія вусны... О, як хутка прыплывае раніца — Сну і явы сонечнае вусце!.. # Яков Науменко, Игорь Паливода (Песняры)