Музыка i словы: Тацьцяна Беланогая Дрэва пачынае гніць з сэрцавіны. Чалавек пачынае гніць са слова. Я прыйду да цябе ў чорную ноч У чорным, каб застацца з табой. А за вакном - вока арла, А за сцяной - вуха лісы. І з майго сэрца выляціць Белая птушка, каб застацца з табой. Прыпеў: Белая птушка апранае, апранае свой голас, Калі ўсе кладуцца спаць. Белая птушка пачынае чытаць казкі. Белая птушка пачынае верыць у тое, Што будзе, што будзе ўсё добра… А на дарогах слупы і любоў, А на дарогах кола і снег. Забаліць сэрца па тых, Каго ня ведаю яшчэ. Стой на нагах – гэта формула жыць! Спявай па начах хаця б для сябе. Гэта ня тайна, што заўтра пачнецца вайна Па-за межамі кніжак. Прыпеў: Белая птушка апранае, апранае свой голас, Калі ўсе кладуцца спаць. Белая птушка пачынае чытаць казкі. Белая птушка пачынае верыць у тое, Што будзе, што будзе ўсё добра…