Музыка - З. Вайцюшкевiч, словы традыцыйныя
Апрацоўка - З. Вайцюшкевiч
Сьпеў - "Дзецi", В. Круглова, З. Вайцюшкевіч
Пастушкi мiлы, што вы бачылi?
А мы бачылi малога Езуса народжанага
Сына Божага, Сына Божага.
Дзе ж палац той быў, у якiм Ён жыў?
Стайня бедная з жывёлай
Ды пакрыта дахам кволым
Вось Яго палац, вось Яго палац.
А яку ж пасцель меў наш Збавiцель?
Жолаб каменны, сцюдзённы,
Крыху сенам умягчоны,
Спачываў Ён там, спачываў Ён там.
Што ж у месцы тым бачыў Божы Сын?
Драпаваннi з павуцiння
Мацi Божую i Сына
Упрыгожвалi, упрыгожвалi.
Апрануты як слаўны Мэсiя?
Не ў аксамiт чырвоны,
А ў жабрацкiя пялёны
Ён спавiты быў, Ён спавiты быў.
А цi ж добра спаў у той стайнi Пан?
На калючым вострым сене
Езус Хрыстус спаў маленькi,
Не ў пухавiках, не ў пухавiках.
А хто ж калыхаў, Бога пiльнаваў?
Сына Божага старанна
Вол з аслом сваiм дыханнем
Сагравалi там, сагравалi там.
Хто ж найбольш спяшаў Бога суцяшаць?
Святы Юзеф разам з Паннай
Меладычнай калыханкай
Цешылi Дзiця, цешылi Дзiця.