Музыка: Iгар Палiвода Словы: Максiм Багдановiч Канцэрт да 60-годдзя дырыжора, заслужанага артыста Рэспублікі Беларусь, прафесара Аляксандра Крамко. Выступаюць нацыянальны акадэмічны народны аркестр імя І. Жыновіча i Анастасiя Рачыцкая. Запіс – 17 снежня 2021 года, Беларуская дзяржаўная філармонія. Ой, пайшла сабе Скірпуся на кірмаш, Паглядзець, ці селязенькаў нямаш, — Мо варона, мо сава. Мо Скірпусенька ўдава. Прадала, прадала яна каня, Ўтаргавала, ўтаргавала селязня. Прыпеў: У Максіма на кашулі вышыты галубкі, Я за тое вышывала, што цалуе губкі. У Максіма на кашулі вышыты падкоўкі, Я за тое вышывала, што цалуе броўкі. Прадала, прадала яна каня, Ўтаргавала, ўтаргавала селязня. Селязенька чубаценькага, Маладога, дзiкаваценькага. Пакупіўшы, пакупіўшы селязня, Мела клопату, мела клопату штодня; Прыпеў: У Максіма на кашулі вышыты лісточкі, Я за тое вышывала, што цалуе вочкі. У Максіма на кашулі вышыты галубкі, Я за тое вышывала, што цалуе губкі. Селязенька ўмываецца, Ён на вулку ўзбіраецца. Узбіраецца на вулачку, Ці не ўбачыць тую вутачку. Селязенька — Івашачка, Ён цалуецца з Наташачкай. Прыпеў: У Максіма на кашулі вышыты падкоўкі, Я за тое вышывала, што цалуе броўкі. У Максіма на кашулі вышыты галубкі, Я за тое вышывала, што цалуе губкі.