Музыка: Леанід Шырын Словы: Алесь Камоцкі Абарваная струна Захавала рэшткі нот, Там была мая віна, Тут зусім наадварот. Не сціхае шэры дождж, Не ратуе парасон. То ўпоперак, то ўздоўж То няўмольным колам Круціцца паволі, Круціцца паволі, Не сціхае шэры дождж. Няўмольным колам Круціцца паволі, Не сціхае мутны дождж. Рознае бывала — Пальцы струны рвалі, Здабываючы акорд, Хочаш ці не хочаш, З раніцы да ночы Надакучлівы паўтор. Будзе як будзе — З даўніх часоў Людзі як людзі У рытмах дажджоў. Абарваная струна Сум не здолела трываць, Гук пакінуты сканаў, Сам не здатны сумаваць. Бег гадзін раўняе нас, I як бы не паўстае Нечакана новы час. Вочы усміхнуцца Хмары расплывуцца, Хмары разбрыдуцца, Нечакана новы час Вочы усміхнуцца Хмары расплывуцца, Калi прыйдзе новы час. Рознае бывала — Пальцы струны рвалі, Здабываючы акорд, Хочаш ці не хочаш З раніцы да ночы Надакучлівы паўтор. Будзе як будзе — Пела струна. Людзі як людзі Толькі ў снах. Толькі ў снах.