Музыка: Алена Атрашкевіч Словы: Васіль Жуковіч (1) Тваёй душы красу, Матуля дарагая, Я па жыцці нясу, Яе аберагаю. Дзе б ні прыйшлося быць Пад ясным Шляхам Млечным, Ніколі не забыць Мне слоў тваіх сардэчных. Ніколі не забыць Мне слоў тваіх сардэчных. Прыпеў: Голас твой рэхам гучыць, Сэрца тваё не маўчыць, Словы такія лагодныя. Чую і ў далечы я, Грэе усмешка твая, Мама, матулечка родная. (2) Нясу твой вобраз я Дарогаю зямною. Са мной любоў твая I дабрыня са мною. За новаю вярстой - Удача ці няўдача - Любові я тваёй I дабрыні не страчу. Любові я тваёй I дабрыні не страчу. Прыпеў: Голас твой рэхам гучыць, Сэрца тваё не маўчыць, Словы такія лагодныя. Чую і ў далечы я, Грэе усмешка твая, Мама, матулечка родная. (3) Не заўважаў я сам, Матуля дарагая, Душы тваёй краса Мяне аберагае. На сцежках на усіх Жыве са мною вечна Святло вачэй тваіх I слоў тваіх сардэчных. Святло вачэй тваіх I слоў тваіх сардэчных. Прыпеў: Голас твой рэхам гучыць, Сэрца тваё не маўчыць, Словы такія лагодныя. Чую і ў далечы я, Грэе усмешка твая, Мама, матулечка родная. Віншуем нашых мам! Дзень маці - свята міжнароднае. У Беларусі штогод на дзяржаўным узроўні яго адзначаюць 14 кастрычніка, у дзень, які традыцыйна супадае з праваслаўным святам - Пакроў Прасвятой Багародзіцы. Для ўсіх мам сёння спявае Максім Слацін з горада Маладзечна - удзельнік Канцэрта фіналістаў конкурсу "Маладыя таленты Беларусі" (запіс БТРК, 2011 год). # Максим Слатин