Музыка: Ігар Палівода Словы: Максiм Багдановiч Вiдэа ўзята з ютуб-канала спявачкi: Julia Skorohod-Kasprzyk Выканана замена гукавой дарожкі і паляпшэнне гуку на больш якасны варыянт. (1) Помню – йшла я да ратушы хутка Паглядзець, як гараць ведзьмакі, Толькі чую – гукае Марутка: «Бач, Агата, красунчык які!» (2) Ў задуменні, маруднай хадою, Увабраны ў шалом залаты, Ехаў ён на кані саматою, A прыгожы, – як Юры святы. Прыпеў: Ах, чаму я, на што змарнавала Так свае маладыя гады, – Ах, чаму я, на што не спытала, Хто ён гэткі, i едзе куды! (3) Шмат адгэтуль мінулася часу... Ах, калі бы ізноў павідаць I каня, i убранства пакрасу, I знаёмую сэрцу пастаць! (4) Толькі б зведаць – i з воску фігуру Я найменнем яго ахрышчу, Выйду ноччу на поле у буру I закляцце сваё нашапчу. Прыпеў: Ах, чаму я, на што змарнавала Так свае маладыя гады, – Ах, чаму я, на што не спытала, Хто ён гэткі, i едзе куды! (5) I праз свіст, праз гудзенне вятрыска, Цераз шум прыдарожных ракіт Я пачую так блізка, так блізка Гук знаёмы ад конскіх капыт. (6) He забыць мне, што спасенне трачу, Што душу варажбою гублю, Толькi знаю – яго я пабачу I нарэшце скажу, як люблю. Прыпеў: Ах, чаму я, на што змарнавала Так свае маладыя гады, – Ах, чаму я, на што не спытала, Хто ён гэткі, i едзе куды! # Юлия Скороход, Михаил Финберг, Игорь Паливода (Песняры) # Дзяржаўный канцэртны аркестр Беларусі пад кіраўніцтвам Міхаіла Фінберга