Музыка Уладзiмiра Снарскага Словы Нiла Гiлевiча Аранжыроўка П. Глушчука Край мой беларускі, край! Дай мне прыгарнуцца, дай! Да твайго ляснога Вераснога долу, Дзе так шчасця многа Выпала на долю, — Дай жа прыгарнуцца, дай! Край мой беларускі, край! Дай ты мне паслухаць, дай! Як на лад пявучы Старажытнай мовы Тут гамоняць пушчы, Там шумяць дубровы, — Дай жа мне паслухаць, дай! Край мой беларускі, край! Дай ты мне прайсціся, дай! Па тваіх прасторах, Па шляхах бясконцых, Уначы — пры зорах, Раніцой — пры сонцы, — Дай жа мне прайсціся, дай! # Канцэрт памяці мастацкага кіраўніка "Народнага хору Рэспублікі Беларусь імя Г. Цiтовіча" М.П. Дрынеўскага ў вялікай зале Беларускай дзяржаўнай філармоніі ў лютым 2021 года.