Музыка: Кастусь Герашчанка Словы: Анатоль Кудласевіч Нечаканы мой, не званы, Што ж ты позна так прыйшоў? Не хадзі ў мае паляны, Калі луг сабе знайшоў. А ці ж я ў тым вінавата, Што дарожкі развяло? Не табой прымята мята – Да цябе ўсё адцвіло. Не было б тае разлукі, Калі б ты за руку ўзяў І пярсцёначак да шлюбу, Нібы сэрцайка падаў. Каб жа долечка другая – Побач былі б цэлы век. Павяла ж цябе чужая З тае цэркаўкі навек. Што ж, цяпер хадзі без болю, Не глядзі з тугой назад. А ці ж добра там, на волі, Калі ножанькі звязаць? Дом Літаратара, запіс 1993 года, презентацыя зборніка вершаў Анатоля Кудласевіча "Плакун-трава". # Кастусь Герашчанка, Анатоль Кудласевіч # Константин Геращенко, Анатолий Кудласевич