Музыка: Леанід Захлеўны
Словы: Васiль Жуковіч
(1)
Прыснілася мне ля жыта дарога.
О, як у жыцці з табой злучана многа,
І першыя крокі, і юныя крокі,
Мяне ты выводзіла ў свет шырокі.
ПРЫПЕЎ:
Я помню Радзімы вытокі прастор.
Ад жыта дарога вяла аж да зор.
Далекую памяць вяртае яна,
Дарог столькі многа, а ў сэрцы адна.
Жытнёвая ніва аблокі люляла,
Тут матчына песня мяне ўскалыхала.
Стаялі валошкі ў сонечных промнях
І ўсё каласкi шапацелі мне: "Помнi."
(2)
Цябе не забыць, святая дарога.
Цяпер я іду да другога парога.
А ты наплываеш, ізноў наплываеш,
У поле жыцця ты майго упадаеш.
ПРЫПЕЎ
Я помню Радзімы вытокі прастор.
Ад жыта дарога вяла аж да зор.
Далекую памяць вяртае яна,
Дарог столькі многа, а ў сэрцы адна.
Жытнёвая ніва аблокі люляла,
Тут матчына песня мяне ўскалыхала.
Стаялі валошкі ў сонечных промнях
І ўсё каласкi шапацелі мне: "Помнi."
# Леанид Захлевный, Василий Жукович